aaj mujhe apne bachpan ki yaad subah se aa rahi thi. tab kitaaben hi zyadatar manoranjan ka saadhan  huaa kerti thi.ya fir kisine koi cinema ya tv serial dekha ho to oose saamne  me  baitha ker vakta bana diya jata tha aur fir baki ke log shrota ho jaate the. yah karykram ka sisila ghar me bhai bahno ke beech me aur school me doston ke saath chalta tha. dosti ki koi shart nahi hoti thi bus jahan kisi ne kahani sunani shuru ki aur bachche jurte jaate the .her ek ke paas os kahaani ka jor tor hota tha .bas kya tha kahani me paatr bdhta jaate aur idhar doston ki sankhya badhti jati. hamare kahaniya harivansh rai bachchan, munshi premchand se leker shammi kapoor,devanand .oos samay ki nayee filme ityadi per aadharit hua kerti thi.jagjeet singh ke gazal bhavuk banaya kerte the.aaj ke bachche aur hum apne bachpan ko dekhe to aisa lagta hai ki ye kabhi bachche ho hi nahi paaye. ya fir ye bhi ki vighyan aur taqniqui jagrukta ne bachpan ki paribhasha badal daali hai.