aaj hamare desh ki jansakhya visphot ne samaj me aneko samsyayen  paida ker di huye hain. isme ek samsya ochch shaikshnik sanshthano me pravesh paane se le ker ,apne kaabiliyat ke anusaar naukari paane ki samsya mukhya roop se hai.aaj ka abhibhavak apne bachchon ko aage badhane ke liye sab kuch daav per lagaa raha hai.taki oonke bachchon ko apne jeevan me nyayochit sthan mil sake.parantu hamare desh ki vidambnaa to dekhiye.yahan jis prakar ki gunatmak medhavita bachchon me hai shayad  duniya ke kisi desh me nahi. parntu sansthano ki naganyata ne adhiktar bachon se apne pratibha ko nikharne ka avsar chin leti hai.sarkaar kee majboori aaj gharon me abhibhavak aur bachcho ke beech nakaratmak soch aur ashishnuta ka karan ban gayee hai. hum aise shiksha deker bhi samaj ko kya sandesh de rahen hai jahan bachcha  apna bachpan theek se nahee jee paa rahe hai.unhen khushnuma jeevan ko dikhane ki bajay aooske khatarnaak pratispardha wale bhavishya se avgat karate rahte hai.samay ab yah aa gaya hai ki sarkar ko hamare shaikshnik  pranali me  badlaav kerna parega. jahan bachcha  apne bachpan ko bharpoor jee sake. apne  pasnd  se vishay chunker ooski padhayee kare aur majboot rashtra banane me sahyog ker sake.aur abhibhavak ko bhi apne bachche ke liye is kash-m-kash me rahna na pare ki--"zakhm aise khaye hai dil pe ki
dikhana chahe to dikha na saken, aur dabana chahen bhi to daba na saken."