kabhi-kbhi mai sochti hun ki ham kaise samaj me rahte hain jahan hame ek sahi nirnay lene ke liye bhi purush ke sahare ki jarurat parti hai.jahan durgaji aur kaaliji ki pooja to log kerte hai per parivaar me durga aur kali ka roop dekhna pasand nahi kerte.yahan sita mata ke tyag ko stri ke jeevan ka mool-mantra mantra mana jata hai.jaha yashodhara mata aur apne shishu ko kali andheri raat me chupchaap ghar chor jaane wala gautm buddh poojniya ho jate hai. jahan draupdi ko apni laaj bachane ko krishn ji ki madad leni pari aur pati dharmraj youdhishthir ho jata hai. jahan samaaj ki anek vishmtaoon ko jhelta hua purush ek aader ka paatr ho jata hai aur vahi mahilaye apni oonchayee tak jaye to samaaj ko oonke charitra -hanan me tanik bhi deri nahi lagti.kya kabhi aapne socha ki aaj samaj ki yah durdasha kyo hai? mujhe aisa lagta hai ki parivaar jise hum zindagi ki pahli paathshala mante hai vahan sanskar aur shiksha dene ka tarika hi galat hai.sita maiya ke tyag ki kahani se aadashvaadi mahila larkiyon ke jeevan ka dhyey banana hai.larkon ko shaitaniyon aur badmashiyon karne ka to jaise oonhe janmsiddh adhikaar hi mila ho.iski kaaran naari pratarna ki shikar aur purush ooska shikari ban baitha hai.agar hum sita ya druapadi ya yashodhara ke charitra ko dekhen to hum paayenge ki inhone samajik dayeetvon ka nirvaah kerte hue apne atm-prtishtha ko bhi banaye rakha.aaj ke samay me samaj ki yahi maang hai ki hum bachcho ko aarthik roop se sabal hone ke saath-saath ek doosre(stri avm purush) ke astitva ka aadar aur samman karne ki shiksha pradaan karen. tabhi hum sunder samaj ki kalpna ker sakte hai.
No comments:
Post a Comment